ورجـــعنا بــــعد إنقــــطاااااعه ...!!
ضخيره ... و هامنه ... و جميعه ...
جالسات يتقهون العصر فـ بيت سعاده ..
سعاده : يا حيي بياراتي ...
ضخيره : الله يحييج حبتي ..
هامنه : ها سعاده .. بتمشي معني ... هيش قلتي ..؟
سعاده : لا لا لا الركب عندي تعبانه ...
جميعه : الله أكبر عليج يالظالمه ... لـ مشة العمره ركبج .. ولا بارحه فـ العرس واقفه اطرحي للبنات وتقحمي بالصياني من مكان لي مكان ...
سعاده : يااااالله انتي ولسانج عاد ما بنخلص منه ...!!
ضخيره : برايهي خلوهو عـ راحتهي ...
هامنه : زين اماه سعاده باجر حن بنروح .. شي فـ خاطرج ..
سعاده : ياااالله كلكن بتروحن عني ...!! تقعد وحده منكن تسليني ..
جميعه : دوكم منهي انتوا ... هي ضايعه وتبا تضيع وحده منا ... حبتي انتي يوم متبي تروحي خلا خطفي حافظنج الله انطبي مكانج ...
سعاده : يها الوهقه ... محد يستانس يتكلم جدامج انتي ... غير كلوتيه فـ بطنج ..
ضخيره : ياااالله يانتن من تخارشن كنكن سنانير ...
سعاده : حافنجن الله ... لـ تنسني هاتللي طشة مي زمزم وسياده ...
جميعه : هؤ سياده ... اهاييج مقطعه سياييدج اللي فـ بيتج ... تراج انتي فرض اتصليه و3 اتحيلي بركبج ...
هامنه : يها ابلي .... اماه يميعوه انتي فـ مكه هيش بتسويبني ... حشي عليه اسايرج هناك .. انتي فـ درب واني فـ درب ..مللي بارض فـ لسانج ...
جميعه : لا حبتي هناك بلف حلجي ...
ضخيره : انتي تعرفي تلفي حلجك ... !!
هامنه : هيي سعاده عاذرناج مع السلامه ..
سعاده : خلا حافظنجن الله ... توصلن بالسلامه والله يتقبل عمرتكن ...
ضخيره : آآآمين ..
وروحن عن سعاده ... والصبح نشرن العمره فـ الحمله ...
راعي الحمله : هيي بسرعه ركبن الباص ... كلعاده الساعه 9 وحن مطلعني من صور ...!!
جميعه : وانته هيش كاظنك ... ترانا ماشين عـ راحتني .. ودافعات غوازي عشان نرتاح متكظني ..
ضخيره : ياااالله ياااالله الله أكبر عليهي عايرته كلعادهي ..
هامنه : يها الفضيحه ... الله لا بارك فيج يا يميعوه ...!!
يتـــــبع ،،،