راعي الذهابه
New Member
[poem=font="Simplified Arabic,6,,normal,normal" bkcolor="transparent" bkimage="" border="none,4," type=2 line=0 align=center use=ex num="0,black"]
لا الوقت كافي .... ولا الايام تسعفني=ولابقى لي.. من احلامي .. سوى امالي
الله يخلفك ياللي منه .. مخلفني=والله يغربلك ياللي منك غربالي
ماتتركون (( الهقاوي البيض )) تلقفني=خلوني اسلى مدام ان الخوي سالي
الصاحب اللي يحسب الضيق ..في كفني=قولوا له.. انه لاغاب.. اضيق (ب) اسمالي
اللي على خوة الايام ... حلفني=ولا يدري اني بدونه .. عايش لحالي
غالي ... وكنه على نفسي.. مناصفني=حتى على نصفي الثاني بعدغالي
احيان اقول..ان (حب الطيش) خلفني=واحيان اقول... ان (طيش الحب) لعيالي
يالمطرق اللي تبوح لعين .. شايفني=مليت اقيد علوم الحب بحبالي
ابطيت.. وكن السهر بالليل .. والفني=من يوم قفيت.. حالي ماهي.. بحالي
عليك مزن الهجوس الغر.. خالفني=ياللي تعج الحنايا .. وتمطر فبالي
من وين مالد شوفي جيت حايفني=كنك تخط الوغى بقفاي وقبالي
منك اجتمع فيض قلبي مع ظما جفني=يعني:.. احبك كثير... ولاتهيالي
متى على الله تجيني..؟ يامكلفني=واقول للي يتحرى... لا تحرا لي
واذكرك بالهوى.. واكذب...؟ وتكشفني=واطري الصد (( فال الله ولا فالي))
تقول ليت العطا بالحب.. ينصفني=واقول ليت اللي جالك بالهوى... جالي
ان جيت غيرك احس الدرب.. عايفني=ولا انت لاجيت لمك اسبق ظلالي
هبلت بي.. لين نبض الناس حالفني=مايكفي ..؟كونت لي جمهور بهبالي
في ذمتي لو جنون الناس يردفني=لااقول هذا هو .. اللي سبب.. خبالي
لكن تراني على حطة يدك .. شفني=ماغيرتني مقاديري... وترحالي
اما اسقني من ((دلال الحب)).. وكيفني=والا ترا ماهو صعب ..(اهز فنجالي .. )
وسلامتكم [/poem]
لا الوقت كافي .... ولا الايام تسعفني=ولابقى لي.. من احلامي .. سوى امالي
الله يخلفك ياللي منه .. مخلفني=والله يغربلك ياللي منك غربالي
ماتتركون (( الهقاوي البيض )) تلقفني=خلوني اسلى مدام ان الخوي سالي
الصاحب اللي يحسب الضيق ..في كفني=قولوا له.. انه لاغاب.. اضيق (ب) اسمالي
اللي على خوة الايام ... حلفني=ولا يدري اني بدونه .. عايش لحالي
غالي ... وكنه على نفسي.. مناصفني=حتى على نصفي الثاني بعدغالي
احيان اقول..ان (حب الطيش) خلفني=واحيان اقول... ان (طيش الحب) لعيالي
يالمطرق اللي تبوح لعين .. شايفني=مليت اقيد علوم الحب بحبالي
ابطيت.. وكن السهر بالليل .. والفني=من يوم قفيت.. حالي ماهي.. بحالي
عليك مزن الهجوس الغر.. خالفني=ياللي تعج الحنايا .. وتمطر فبالي
من وين مالد شوفي جيت حايفني=كنك تخط الوغى بقفاي وقبالي
منك اجتمع فيض قلبي مع ظما جفني=يعني:.. احبك كثير... ولاتهيالي
متى على الله تجيني..؟ يامكلفني=واقول للي يتحرى... لا تحرا لي
واذكرك بالهوى.. واكذب...؟ وتكشفني=واطري الصد (( فال الله ولا فالي))
تقول ليت العطا بالحب.. ينصفني=واقول ليت اللي جالك بالهوى... جالي
ان جيت غيرك احس الدرب.. عايفني=ولا انت لاجيت لمك اسبق ظلالي
هبلت بي.. لين نبض الناس حالفني=مايكفي ..؟كونت لي جمهور بهبالي
في ذمتي لو جنون الناس يردفني=لااقول هذا هو .. اللي سبب.. خبالي
لكن تراني على حطة يدك .. شفني=ماغيرتني مقاديري... وترحالي
اما اسقني من ((دلال الحب)).. وكيفني=والا ترا ماهو صعب ..(اهز فنجالي .. )
وسلامتكم [/poem]
