ودي اضمك وانفجر فيك واصيح

[بت العرامه]

عندك خبر وش غايتـي هالدقيقـه؟

ودي أضمك وانفجر فيك .. وأصيح!!



في خاطري من جاير الوقت .. ضيقه

وقلبي غدا معطوب واطلالـه اتطّيـح



لا يغر عينك بسمتـي مـو حقيقـه

بسمه وراها ألـف مغـزا وتصريـح



ودي افجـر عبـرةٍ بـي عميـقـه

فتـرة غيابـك اشبعتنـي تجـاريـح



أكابـر وبقصـى ضلوعـي حريقـه

نـارٍ لهبهـا لـوح الجـوف تلويـح



تعال ياني لشـوف وجهـك شفيقـه

كـل العنـا والهـم لا شفتـك يزيـح



علمني كيف الحل كيـف الطريقـه؟

وشلون أضمك وانفجر فيك وأصيح!!

 

[titoon]

الله يعطيك العافية يا أختي العزيزة

على جمال الكلامات وكل التوفيق

لكي أن شاء الله ..

​

 

[لاتخاطر]

معليك زود بنت العرامى

 

[نسايم العفيه]

ياسلام عليك اختي العزيزة كلام روعة وإحساس صادق ربي يحفظك

 

[أحلام الطيور]

غاليتي ,,,



أبدع قلمك الرائع ,,, فصاحت كفوفنا بالتصفيق الحار



حروفك اتحفتنا بمعانيها ... وجمال رونقها ...



سطورك انثرت لنا الاحساس الذي انبثق من قلبك ...



فكان لمعلقتك طعماً جميلا يهتف بمشاعرك المرهفه ...



شاعرتنا بـــــــــــــــــت العــــــــــــــــــــرامه



سلمت أناملك الذهبية ... وصح لسانك ملاااااااااااايين



فلا تحرمينا من حروفك المبدعه ...



لاعدمناك ,,,



اختك ... إليــــــــــــــك قلبـــــــــــــــــي

 

[سما صور]

أبدعتي ..

كلمات رائعه تحمل في طياتها

مشاعر وأحاسيس مرهفة..

صح لسانج..يعطيج ألف عافية..

 

[بت العرامه]

تسلم تيتون والله يعافيك بس هيش سالفه الورد عندك...



لا تخاطر ونسايم العفيه الله يسلمكم,,,





اليك فلبي تسلمين ع المرورج الرائع وع كلامج الاروع,,



سما صور تسلمين ع المرور والله يعطيج العافيه,,