هل البعيد عن العين بعيد عن القلب ؟!!

[؛؛ حلاتي بغلاتي ؛؛]

اللي بعيد عن العين ..بعيد عن القلب ​

يقولون : اذا بغيت الغلا موت او اضرب خلا





اي اذا اردت ان تصبح غاليا لديهم .... مت او ابتعد عنهم قدر استطاعتك فيعرفون قيمتكـ ,



واخواننا المصريين يرددون ( البعيد عن العين بعيد عن القلب)



فايهما نصدق وبايهما نعمل ؟



هل نحن مجبورون على ان نبتعد لدرجه الموت كي نزداد قيمه في قلوب اناس عجزوا عن الشعور باهميتنا ووجودنا ,لاننا كنا اكثر قربا من اللازم ؟؟



قد نشتاق نعم ...ونحن الى كل ما امسى بعيدا عنا ولكن حنيننا يكون لاشياء كانت قريبه منا وافتقدناها حين بعدت ..افتقدناها لاننا كنا نشعر بوجودها بجانبنا



نحتاجها فنبحث عن ضالتنا ان هي غابت..



اما ان لم نكن نشعر بوجودها وقيمتها وهي قريبه منا فإننا بالتأكيد لن نشعر بغيابها حين تبتعد..



ومع الاعتذار لحبايبي المصريين ...فالبعيد عن العين مش دائما بعيد عن القلب , زي ما القريب من العين مش دايما قريب من القلب ..



فقريب القلب يبقى قريبا وان بعد عن العين , وبعيد القلب يبقى بعيدا وان قرب من العين..



نعم قريب القلب يبقى في القلب وان بعدت دروبه وثقلت ظروفه وصعبت على العين رؤيته فللقلب عيون وعين القلب لا تميز بين حسنات وسيئات من تهوى...



ولكن هل للعين قلب يبصر القريب منها فيعشقه ؟؟ ويفتقد البعيد عنها وينساه .؟



فكم من بعيد يشاركنا الدم وتراه اعين القلب قريبا , وكم من قريب يشاركنا ساعات الايام وثوانيها ولا تبصره عين القلب........​

​

​

​

سؤالي ... ؟؟؟؟00​

هل دائما الي بعيد عن عينك بعيد عن قلبك!!00



شفت المووووضوووع وعجبني وقلت نحطه بمنتداااانا عشاااان اسمع



آرااااااء الكل00



بأنتظااار وجهاااات نظركم اللي تهمني 0:surcitynet0s99:0​

 

[نغم]

مرحبا حلا..



احيانا تضبط ..البعيد عن العين بعيد عن القلب..



لاان يقال العين مراة القلب..فاذا لم تري صاحبتج مثلا لفترة طويلة..تتلبد مشاعرك التي كانت نحوها..وتصبحين بعيدة عنها..فلا تعلمين اخبارها..ولا تكونين في نفس المقام الذي كنتي عليه من قبل...فما ان اصبحت بعيدة عنج..صارت بعيدة عن قلبج..ومن صار معج..الحين ...هوه اللي في قلبج...



هذا رايي...



مشكورة على الموضوع



بارك الله فيج

 

[؛؛ حلاتي بغلاتي ؛؛]

مراااحب نغم



ومثل ما قلتي ،، ما قصرتي على المرووور



العفو افااا عليج فديتج ،، نسعى لرقي المنتدى ،،



ويبارك فيج إن شاااء الله

 

[SuRaWi]

حلا متميزه



اختي



ترى القووووول وايد ومايخلص ف هالمجال بس اختي



مب شرط

يعتمد على الشخص نفسه ومدى تعلقه بالشخص الثاني



جوابي واضح صح

واذا احتجتي توضيح اني حاظر( طالع فيها صح)





لي عوده للمتابعه اختي​

 

[جمرة الشوق]

اول شي منوره باللوك اليديد يا حلاتي ^__^ ..

ومشكوره على هالموضوع الاحلى ..





هي مراات صح تكون هالمقوله .. بس على هالاياام محد يكون بعيد عنك ..

لانه التلفون ماشاءالله مب مقصر .. يقضي كل حاجاتنا .. والبعيد عن العين يخليه قريب مناا..

وبعد هالشي يعتمد ع الشخص وغلاه الشخص البعيد عنه ..

مرات فيه ناس تكون بعيده عن عينج بس ما تذكريها ف قلبج ..

لكن فيه ناس بعد مهما ابتعدو عن عينج بيتم قلبج يذكرهم مب لازم كل لحظه ..

اهم شي انه قلبج ما نساااهم ^____^ ..

واللي بعيد عن العين احس انه غلاته تزيد ..

لانه بعيد عن عيونا ويوم بنشوفه بنكون متولهين له اكثر ..

 

[راعي العفيه]

انا عند الاخوان مرات هالمقوله ممكن انها تكون صحيحة و اللي يحكمها هو مدى قرب الشخص منك و علاقته بك





ولكن مب شرط





ولو الشخص كان عزيز و قريب منك و لكن معزة في قلبك مهما ابتعد عنك و مهما كانت المسافة فما اعتقد انها بتكون صحيحة وممكن البعد هذا يقرب الشخص لقلبك اكثر و اكثر بشوق و محبة







مهما كانت المسافة بيني و بين اللي احبه بعيده فشوقي له يقلص قربه الى قلبي اكثر و اكثر لحد ما يكون قريب لي



وشكرا اختي ع الموضوع و يعطيك العافيه​

 

[؛؛ حلاتي بغلاتي ؛؛]

حلا متميزه



اختي



ترى القووووول وايد ومايخلص ف هالمجال بس اختي



مب شرط

يعتمد على الشخص نفسه ومدى تعلقه بالشخص الثاني



جوابي واضح صح

واذا احتجتي توضيح اني حاظر( طالع فيها صح)





لي عوده للمتابعه اختي​

عااد خلاااص النك تغير وصرت ؛؛ حلاتي بغلاتي ؛؛ << عصبت هع



صدقت أخووي ترا القووول وايد منه بس الفعل ولا شئ



وأوافقك الرأي وأحترمه بنفس الوقت



الجواااااااااااب واضح وما يحتااج توضيح:surcitynet0s99:



ومنور الصفحه بأي وقت اخووي

 

[؛؛ حلاتي بغلاتي ؛؛]

اول شي منوره باللوك اليديد يا حلاتي ^__^ ..

ومشكوره على هالموضوع الاحلى ..





هي مراات صح تكون هالمقوله .. بس على هالاياام محد يكون بعيد عنك ..

لانه التلفون ماشاءالله مب مقصر .. يقضي كل حاجاتنا .. والبعيد عن العين يخليه قريب مناا..

وبعد هالشي يعتمد ع الشخص وغلاه الشخص البعيد عنه ..

مرات فيه ناس تكون بعيده عن عينج بس ما تذكريها ف قلبج ..

لكن فيه ناس بعد مهما ابتعدو عن عينج بيتم قلبج يذكرهم مب لازم كل لحظه ..

اهم شي انه قلبج ما نساااهم ^____^ ..

واللي بعيد عن العين احس انه غلاته تزيد ..

لانه بعيد عن عيونا ويوم بنشوفه بنكون متولهين له اكثر ..

يسلمووو ،، مرووورك اللي منور الصفحه أختي ما تقصري



عيوووووووووووووونج الأحلى وربي



ويسلموو على دخووولج الموضوووع والرد عليه



كلاااااااااااااااااامج ما عليه زوود لا تعليق



بس التيلفوون ما يفيد في كل الأوقااات أختي



ثااانكس حبيبتي

 

[؛؛ حلاتي بغلاتي ؛؛]

انا عند الاخوان مرات هالمقوله ممكن انها تكون صحيحة و اللي يحكمها هو مدى قرب الشخص منك و علاقته بك



انا بصفتي أشكر الأعضاااء اللي مروا قبلك وأفرحوني بالردوود الكشخه



ولكن مب شرط





ولو الشخص كان عزيز و قريب منك و لكن معزة في قلبك مهما ابتعد عنك و مهما كانت المسافة فما اعتقد انها بتكون صحيحة وممكن البعد هذا يقرب الشخص لقلبك اكثر و اكثر بشوق و محبة



صح لساااااااااااااااااااااااااااااانك

مهما كانت المسافة بيني و بين اللي احبه بعيده فشوقي له يقلص قربه الى قلبي اكثر و اكثر لحد ما يكون قريب لي



وشكرا اختي ع الموضوع و يعطيك العافيه



العفو أخوووي ما تقصر على المروووور



الله يعافيك ​

 

[شرطان الذهب]

ماشاء الله على اختي حلاتي بغلاتي دايمه مبدعة بمواضيعج في هالسفينه انشاء الله اللوك اليديد كان فال خير لج .



بالنسبه للموضوع



مب كل شخص يقصد به هالكلام ...... الي بعيد عن العين يكون بعيد عن القلب ........ لانه في اشخاص وجودهم قراب معك يسببلك ارق منهم طبعا هم القلائل .

اما بالشطر الثاني يكون بعدة عنك تحس بفراقة لانه له مكانه في قلبك اما انه ممكن يقل غلا من ناحيتك ما اعتقد لانه قدرة فوق ومعتقد اختفه بيقلل شي من قدرة بذات فالوقت لانه فيه وسائل اتصال وممكن الواحد يتواصل مع الشخص باسهل وسيلة ممكنه .



وشكرا

 

[؛؛ حلاتي بغلاتي ؛؛]

ماشاء الله على اختي حلاتي بغلاتي دايمه مبدعة بمواضيعج في هالسفينه انشاء الله اللوك اليديد كان فال خير لج .



الأبدااع منك وفيك أخوووي ،، والحمد لله على كل شئ



وأطمح بالمزيد من التقدم إن شاااء الله

بالنسبه للموضوع



مب كل شخص يقصد به هالكلام ...... الي بعيد عن العين يكون بعيد عن القلب ........ لانه في اشخاص وجودهم قراب معك يسببلك ارق منهم طبعا هم القلائل .

اما بالشطر الثاني يكون بعدة عنك تحس بفراقة لانه له مكانه في قلبك اما انه ممكن يقل غلا من ناحيتك ما اعتقد لانه قدرة فوق ومعتقد اختفه بيقلل شي من قدرة بذات فالوقت لانه فيه وسائل اتصال وممكن الواحد يتواصل مع الشخص باسهل وسيلة ممكنه .



أحسن أخوووي بالرد على الموضوووع ،، وكله طبعا يدل على شخصيتك الطيبه





وشكرا



العفووووو أفا عليك

 

[آلة ذوق حساس]

حيى حلا شخبارج ^_^

يا الله يا حبتي نوبه كيف

اكيد اللي

بعيد عن العين يزيد مكانه ومحله وحبه فقلب

يعني الام والاهل مهما تبعد عنهم يظل حبهم وغلاهم

فقلب وما تنتسي اللحظات الحلوة معهم



شكرا لج​

 

[الكيتاني]

حلاتي بغلاتي





وانا لاحضت في ما ذكرتي ان المشكلة ليست الشوق او العاطفة ان كان هناك مشكلة



انما هو الفراغ العاطفي الذي يجتاحنا ونريد ان نسد هذا الفراغ ونتصبر باي عطفة ولو كانت وهم الى ان نجد ما نريد ومن نحب ونشتاق بصدق مشاعرنا

ربما هناك امر ثاني

ماحصل لي قبل فترة لا تتجاوز

الشهر هناك ناس عزيزين علي

عشت معهم مر الحياة وحلوها

ضحكت / بكيت بين أيديهم

فجأة حدث تغيير لهم

لنفوسهم

ربما غسلو ادرانها وتشابه عليهم الصالح والطالح حينها

محوا الجميع من امامهم

ولم يتبقى على الساحات سواهم

ظنوا انهم ملكوا الوجود لوحدهم واختاروا غيرك

/

ايام / شهور / سنه

مرت دون اي اتصال

لقاء يتيم التقيتهم دون ان يكون به حوار او سلام

بيوم

تردك مكالمة من رقم غريب

( احساس يراودك انك تعرف صاحب الرقم )

اهلا بك

اخبارك ؟؟

وكأنها معك بالبارحة

ومن ثم

قبل ان تكمل حديث الشوق لك

تطلب منك سيل من طلبات تجدك الأكفاء لتوجيهها لكيفيه انجازها ( مصلحة )

تأخذ مرادها وتودعك

ومن بعدها

تتكرر التفاصيل ذاتها

أظن الستار قد ازيل

و المستور قد بان

من بعد ماذكر ماموقفك الان ؟؟

انزاح الستار ولكن كيف نزيح ذاك الستار

اختي حلاتي بغلاتي

هي نوعية وتركيبة بشر

مافيه غرابه من هذه النوعيه

ولاهي غامضه لدرجة الغموض





يقول دايم السيف

يازمان العجايب وشبعد ما ظهر

كل ماقلت هانت ظهر علمن جديد







يعني صار امر طبيعي

انتي عشريه العشره عندك صعب تهون

يمكن لو عاشرتي انسان يوم واحد

يكون له قدر كبير من الاخلاص والاحترام

صعب الايام والغياب يغير مافيك من وفاء

حتي لو يكون الامر وصل الي مصلحه

تشوفينها وتدرين فيها ولكن تستذكرين

ايام العشره الضحكه المواقف

يتصارع عقلك مع ميزة العشره اللي عندك

ويتدخل القلب بصفة الطيبه وترضخين

للعشره والطيبه بتصرفاتك وياهم

وتخلين العقل مجرد جهاز ارسال

وتحليل ليش البشر تهون عندهم العشره

بأستغراب عجيب نتيجة الفرق بينك وبينهم



حلاتي بغلاتي

اختي





لو كانت الكلمه

عيشي بعقلك وبعدي عاطفتك

يمكن تسيطرين علي نفسك

وتكونين صح



واقولها لك العشره صعب تهون عندك

وماراح تكونين الا انتي

عطيهم اللي يحتاجونه اذا كان من باب المساعده ومافيها مضره

واحتسبي الاجر عند ربك



خط حمر يتجاوزونه ينتهون عندك

والابتعاد ينهيهم



عذرا على الإطالة



اخوك





الكيتاني ​

 

[بحبكـ وحشتيني]

مشكووره اختي حلااتي بغلااتي



بس حسب فكرتي :: الاجابة < يعتمد على الشخص



والصرااحه معرفت واايد اوضح وجهة نظري



وخليج فاهمه بروووحج << هع هع



ويعطيج الله العافيه ع المجهوود المتميز​

 

[Magic Smile]

في نظري مب شرط اللي يكون بعيد عن العين يكون بعيد عن القلب ... معزة الناس و حبهم لا يتأثر بالبعد او الفراق ...مشكورة اختي على الموضوع الرائع

 

[؛؛ حلاتي بغلاتي ؛؛]

آلة ذوق حساس



الكيتاني



بحبك وحشتيني



ماجيك سمايل



أشكركم من قلب عاى الردرد اللي تشرف



والله لا يحرمني من ردودكم وتواصلكم بمواضيعي ​

 

[العريمي]

هلا فيك والله المميزة دوم



الي في القلب يكون مكانه في القلب مهما بعد ومهما طال غيابة

هو القلب مسكنه .,, ولا يقل من مكانه سواء بعد المكان او طول الغياب



ويعطيك العافية

 

[؛؛ حلاتي بغلاتي ؛؛]

هلا بالأكثر تميز ،،



جواب موجز ولكنه يكفي بالقدر المطلوب للرد



بارك الله فيك أخوي أحسنت بالمرووور

 

[طريح الهوى]

شكرا ع الكلمات الحلوة

صحيح الي بعيد عن القلب

بعيد عن العين مثــــــــــــــــــلا

واحد تشوفه كل يوم لازم بتسال عنه

واحد ماتشوف الا بعد ايام هل تذكره ما تسال عنه

 

[نوووف]

هلا ومرحبا فيج اختي حلاتي بغلاتي



واني مع هالمقوله بس مب دايما



تعرفي مشاغل الحياه اتنسيج ناس وايد



يكونوا بعيد عنج بس الناس المميزين دايما يكون



في القلب حتى لو كانوا بعيدين عن العين



لك كل الشكر على الموضوع الحلو ​