واجهة ابداع
أعبري صدر القصيده يا بعدي
وحرري في داخلي اغلا قصيد
واجهة ابداع .. والقلب الندي
عنك إحساس القصايد ما يحيد
لو يعزفك .. مبدع ٍ او مبتدي
للفخامه والسمو .. إسمه يزيد
لك رجالٍ ... ذللو كل معتدي
حين هبت لك ذواري من .. بعيد
يا فخر فينيق لو جيت وحدي
لابتي فخري وماني بك وحيد
واللغات العالميه ... تأكدي
إنك التاريخ يالصخره .. اكيد
يالحروف الوافيه .. لو تنشدي!
أعذب ألحونك بتعزف لك جديد
دوزنيني لحن راقي ... وسعدي
قلبك الوارف عشق بارقى نشيد
إنتي صور المجد ، منك يهتدي
صوب ... درب العز متميز فريد
ابدعي في داخلي ثم غردي
وانثريني ... نثرة الدر النضيد
بحرك العزه ورملك عسجدي
ملحك اللولو وعزمك من حديد
يا ديار العز ارضي ،، مولدي
يا عيون الشرق والفعل الحميد
ازفني كلك شموخ ... وعيدي
واجهة ابداع كل يومك سعيد
خليفه الصائغ